Москвалыктарга үйдөн чыкпай коронавируска тест тапшыруу мүмкүнчүлүгү түзүлдү

Москвадагы "Ден соолукта бол" ("Будь здоров") клиникалар тармагы жарандардын үйүнө барып, коронавируска тест тапшыруу кызматын ишке ашырды. Бул тууралуу орусиялык басылмалар жазып чыгышты.

Тест "ДНК-технологиялар" компаниясынын ПЦР системи менен текшерилет. Баасы 6000 рубль турат. Тестти улуу курактагы ден соолугу чың жана ОРВИ белгиси жок балдар тапшыра алат. Эгер тесттин жыйынтыгында коронавирус бар экендиги аныкталса, керектөөчүнүн укугун жана адамдын саламаттыгын коргоону көзөмөлдөө боюнча федералдык кызматтын (Роспотребнадзор) катышуусунда кайра бир ирет текшерилет. Анализдин жыйынтыгы эки күндө чыгат.