Өзгөчө кырдаалдар министрлиги бир сутка ичинде кандай иштерди аткарганын айтты

Өткөн сутка ичинде ӨКМ тарабынан аткарылган иштер боюнча кыскача маалымат. Бул тууралуу аталган министрликтин басма сөз кызматынан билдиришти.

Маалыматка ылайык, 8-апрель күнү өлкө боюнча 1 миллион 600 погондук метр унаа жолдор дезинфекцияланган.

"Жалпысынан 12 миң 77 орундук даярдалды. Бишкек шаарындагы жана региондордогу обсервацияда жайгаштырылган жарандарга ӨКМ тарабынан күн сайын 3 маал ысык тамак-аш берилүүдө. Өлкө боюнча санитардык-карантиндик жана блокпостторго ӨКМ тарабынан 120 даана чатыр жана 56 мобилдик турак үй орноштурулган. 112 ыкчам номуруна өткөн сутка ичинде жалпы 7 миң 800 чалуу катталып, анын ичинен 665 коронавирус боюнча чалуу түшкөн. ӨКМ тарабынан 415 куткаруучу жана 107 унаа тартылган", - деп айтылат маалыматта.