Бишкекте жааган кардан улам бактар кулап, айрым унааларды басып калды

Бүгүн, 9-апрелде Бишкек шаарында жааган кардан улам жолдун боюндагы, көп кабаттуу үйлөрдүн короосундагы дарактар кулап, айрымдарынын бутактары сынып, унааларды басып калды. Айрым интернет колдонуучулары түндөгү болгон катуу шамалдан кулап жатат десе, айрымдары кар көп жаагандыгына байланыштуу дарактар түбү менен кошо жыгылып калгандыгын айтышууда.

Шаардагы канча дарак кулагандыгы боюнча сурап, мэрияга байланышканыбызда, учурда такталып жатканын, дарактар дагы да болсо кулап жаткандыгын айтышты.

Буга чейин Өзгөчө кырдаалдар министрлиги өлкө аймагында абанын температурасы кескин төмөндөп, үшүк жүрөрүн билдирген.