ЭЛДИК КАБАРга жооп: ӨКМ обсервацияда жаткандарга күндө өзгөртүлгөн меню менен эт кошулган тамактар берилип жатканын билдирди

SUPER.KG порталынын "Элдик кабар" бөлүмүнө окурмандын "ӨКМнын үч маал ысык самсы, ганфан берилип жатат деген маалыматы чындыкка дал келбейт" деген билдирүүсү чыккан. Анда ал обсервацияда жатып чыкканын айтып, андагы 3 маал берилген тамактардын сүрөттөрүн жөнөткөн.

Буга байланыштуу Өзгөчө кырдаалдар министрлиги төмөнкүдөй жооп берди.

"Өзгөчө кырдаалдар министрлиги тарабынан Ош шаарындагы обсервацияларда жайгаштырылган жарандарга 3 маал ысык тамак-аш уюштурулуп, төмөнкүдөй меню менен берилип жатат. Мисалга, бүгүн 9-апрель күнү:

Эртең менен – буурчак шорпо эти менен, нан, каймак майы, чай, кант;

Түшкү тамакка – салат, күрүч шорпосу эти менен, перловка шорпосу эти менен, нан жана чай;

Кечки тамакка – рагу эти менен, нан, каймак майы жана чай берилди.

Эскерте кетсек, аталган меню күн сайын өзгөрүлүп турат", - деп жазылат ӨКМнын жообунда.