Доллардын улуттук валютага карата курсу 78 сомго түштү

Бүгүн, 10-апрель саат 10:25ге карата доллардын улуттук валютага карата эң төмөнкү курсу коммерциялык банктарда 78 сомду түзсө, Улуттук банктын расмий сайтында 77 сом 80 тыйын болгону жарыяланган.

Ошону менен республикада долларды сатып алуунун эң жогорку курсу 77 сом 50 тыйынды түзсө, сатуу 78 сом 20 тыйын.

2020-жылдын 19-мартында доллардын курсу дароо 12 сомго кымбаттап, ал 73 сомдон 85 сомго чейин көтөрүлгөн.

Кечээ, 9-апрелде Эл аралык валюталык фондунун жетекчиси Кристалина Гиоргиева учурдагы экономикалык каатчылыкты акыркы 100 жыл аралыгындагы "эң начар абал" деп баалаган.