Күн сайын кечээ бар 5 миң адам, бүгүн жок... Коронавирустан каза болгондор катталган алдыңкы 10 өлкө (10-апрелге карата)

Бүгүн, 10-апрель саат 10:30га карата коронавирустан каза болгондор катталган алдыңкы 10 өлкөнүн тизмеси төмөндөгүчө:

1. Италия - 18 миң 279 (27-мартта 8215, 17-мартта 2158, 9-мартта 366)
2. АКШ - 16 миң 690 (27-мартта 1296, 17-мартта 85, 9-мартта 21)
3. Испания - 15 миң 447 (27-мартта 4365, 17-мартта 342, 9-мартта 17)
4. Франция - 12 миң 210 (27-мартта 1696, 17-мартта 148, 9-мартта 19)
5. Улуу Британия - 7 миң 978 (27-мартта 578, 17-мартта 56, 9-мартта 55)
6. Иран - 4 миң 110 (27-мартта 2234, 17-мартта 853, 9-мартта 194)
7. Кытай - 3 миң 340 (27-мартта 3291, 17-мартта 3230, 9-мартта 3123)
8. Германия - 2 миң 607 (27-мартта 267, 17-мартта 17, 9-мартта каза болгондор каттала элек болчу)
9. Бельгия - 2 миң 523 (27-мартта 220, 17-мартта 10, 9-мартта каза болгондор каттала элек болчу)
10. Нидерланддар - 2 миң 396 (27-мартта 434, 17-мартта 24, 9-мартта 3).

Дүйнөдө коронавирустан улам каза болгондордун жалпы саны - 95 миң 731 киши. 9-мартта бул көрсөткүч 3 миң 825, 17-мартта 7 миң 155, 27-мартта 24 миң 77 адам эле. Бул цифралар соңку 2 аптада 70 миңден ашуун адам, күн сайын 5 миңден ашуун адам өмүрү менен кош айтышып жатканын билдирет.

9-мартта да, 17-мартта да алдыңкы үчтүктө Кытай, Италия, Иран болчу. 27-мартка дейре абал чукул өзгөрүп, 1-орунга Италия, 2-орунга үчтүктө жок болгон Испания чыгып, илдет башталгандан тарта алдыңкы саптан түшпөгөн Кытай 3-орунду ээлеген. Ал эми эки аптадан кийин 1-орунда Италия калып, 2-орунга үчтүктө жок болгон АКШ чыгып, 3-орунга Испания түшүп, илдет башталгандан тарта алдыңкы саптан түшпөгөн Кытай 7-орунду ээледи.