Бишкекте терминалды уурдап кеткен жарандар аныкталды

Укук коргоо органдары Бишкек шаарында терминал уурдаган жарандарды аныктады. Бул тууралуу бүгүн, 10-апрелде комендант Алмазбек Орозалиев билдирди.

"Терминал уурдаган жарандардын ким экенин ошол жакта орнотулган камералар аркылуу аныктадык. Азыркы тапта аларды таап, кармоо иши жүрүп жатат. Толук маалыматты дагы билдиребиз", - деген Орозалиев.

6-апрелде Свердлов райондук ички иштер бөлүмүнө Т. Б. аттуу жаран кайрылып, анын Абдрахманов көчөсүнө коюлган терминалын белгисиз адамдар уурдап кеткенин арызында жазган. Арыз ээси терминалдын өзү 1 500 доллар экенин, анын ичинде 61 миң 500 сом болгонун белгилеп, уурдап кеткен адамдарды таап, чара көрүүнү өтүнгөн.