20 кыз менен изоляцияда жаткан Таиланддын падышасы карантинден 4 күндө тажап, фестивалга кетти

Гаремдеги 20 кызы менен Бавариядагы мейманканада изоляцияда жаткан Таиланддын падышасы Маха Вачиралонгкорн карантинден тажап, мекенине фестивалга кетти. Бул тууралуу Daily Mail басылмасы жазып чыкты.

Тай падышасы 4 күн гана изоляцияда болуп, өткөн аптанын аягында Германиядан кеткени маалым болду. Андан ары ал салтка айланган хан династиясынын түзүлүүсүн белгилеген тай фестивалына жол тарткан. Ал фестивалга хандын сөзсүз катышуусу керектиги айтылат.

Эске салсак, буга чейин Маха Вачиралонгкорндун айланасында жүргөн 119 адам коронавирус жуктуруп алышы мүмкүн деген шек менен карантинге алынган. Мындан улам ханга орун которууга туура келип, кол алдындагы 20 кыз менен Бавариядагы 4 жылдыздуу "Sonnenbichl" мейманканасында бир нече бөлмө алып, өзүн карантинге алууну чечкен.