"Медициналык бет кап алып берем деп 10 миң долларын алып койгон". Шектүү жаран кармалды

Бишкек шаарында жабырлануучуга медициналык бет кап алып келип берем деп ишенимине кирип, 10 миң доллар акчасын алып, из жашырган шектүү кармалды. Бул тууралуу Бишкек шаарынын комендатурасынын басма сөз кызматынан билдиришти.

"28-март күнү Октябрь РИИБине Бишкек шаарынын тургуну А.Ш. Пакистан жараны Д.А.га карата чара колдонууну сурап кайрылган. Маалыматка ылайык, аталган жаран 7-февралда 7-кичи райондо 300 миң медициналык бет кап алып берем деп жабырлануучунун ишенимине кирип, 10 миң долларын алып, белгисиз тарапка из жашырган. Аталган факты Кылмыштардын жана жоруктардын бирдиктүү реестрине 204-берене (алдамчылык) боюнча катталып, сотко чейинки өндүрүшкө алынган.

Иликтөөнүн жыйынтыгында 1966-жылы туулган Д.А. кылмышка шектелип кармалып, Бишкек ШИИББинин убактылуу кармоочу жайына киргизилген. Учурда шектүүнүн ушуга окшош кылмышка тийиштиги бар-жогу иликтенүүдө.

Эгер аталган кылмышка шектүүдөн жабыр тарткандар болсо, ‭0(706)23-33-06, 0(312) 54-44-81 жана 102 номерлерине кайрылыңыздар", - деп жазылат маалыматта.