Ош облусунун коменданты маалымат жыйын берди (хронология)

Малик Нурдинов сатуучулардан азык-түлүктөрдүн баасын жогорулатпай, кармап турууну өтүндү.

Нурдинов жасалма 10 пропуск боюнча кылмыш иши козголгонун айтты. "Кээ бирлери бир күн жардам берип, андан кийин пропускту жеке максаттарына пайдаланып жатышат. Башка максатта пропуск берилбейт", - деди Ош облусунун коменданты.

"Облус боюнча санитардык-карантиндик посттордун саны – 63. Ал эми куралдуу күчтөр менен карантиндик посттордун саны – 21. Обсервациялардын саны – 50", - дейт ал.

Малик Нурдинов билдиргендей, Ош облусу боюнча коменданттык саатта тартип бузган 10 жаран кармалып, протоколдор түзүлүп, айып пулдар салынды. "25-марттан 11-апрелге чейин карантиндин талаптарын бузган жарандардын жалпы саны – 331. Ал эми 44 автоунаа айып төлөнүүчү жайга токтотулду", - деди ал.