Супер-Инфо
super.kg видео
Бишкек шаарынын коменданты шаардыктардын суроолоруна жооп берди (хронология)
Бишкек шаарынын коменданты Алмазбек Орозалиев 12-апрелге карата борбордогу тартип тууралуу жыйын берип, шаардыктарда жаралган суроолорго жооп берди.
"Жарандар ооруган туугандарын, кары-картаңдарды, ден соолугунун мүмкүнчүлүгү чектелгендерди, операциядан кийинки бейтаптарды бир жерден экинчи жерге жеткирүү үчүн бир жолку уруксат кагазын берүүнү суранып жатышат. Ал маселе эмес. Каалаган блокпосттордон өтүүгө аталган жарандарга уруксат берилген", - деди Орозалиев.
"Учурда чет өлкөдөн келген адамдардан коронавирус жуктургандар катталып жатат. Андыктан жашоочулардан санитардык жана өзгөчө абал режиминин эрежелерин сактоону суранабыз", - деди Орозалиев.
"Эмнеге шаарда дезинфекция иш-чаралары толук жүргүзүлбөй жатат?" деген суроого Бишкек шаарынын коменданты "мүмкүнчүлүк болушунча дезинфекцияны кылып жатабыз. Азыркы учурда борбордун көпчүлүк бөлүгүнө жасалды. Сабырдуулук кылыңыздар, буюрса, бардык жактарга дезинфекция иштери жасалат", - деп билдирди.
0