Жантөрө Сатыбалдиев Ош, Бишкек шаарларынын мэрлери жана өкмөттүн облустардагы ыйгарым укуктуу өкүлдөрү менен жолугушту

Бүгүн премьер-министр Жантөрө Сатыбалдиев өкмөттүк жыйындан кийин Ош, Бишкек шаарларынын мэрлери жана бардык облустардагы өкмөттүн ыйгарым укуктуу өкүлдөрү менен жолугушту. Жолугушууда өлкөнүн 2012-жылдагы социалдык-экономикалык жактан өнүгүүсү, алдыда турган аймактардагы тапшырмалар, өкмөттүн жарлыктары жана токтомдорун ишке ашыруу маселесинин тегерегинде сөз болду. Жантөрө Сатыбалдиев облус, шаар жетекчилерине "бардык күчүңөрдү жумшап, өз ишиңерди татыктуу жана жоопкерчиликтүү аткаргыла" деген пикирин айтты.