Бир суткада коронавирус боюнча 400дөн ашуун чалуулар болду

Коронавирус илдетинин жайылып кетүүсүнүн алдын алуу максатында өзгөчө кырдаалдар министри Замирбек Аскаровдун тапшырмасынын негизинде өткөн сутка ичинде куткаруучулар тарабынан аткарылган иштер боюнча кыскача маалымат.

- 12-апрель күнү өлкө боюнча 485 миң 770 погондук метр унаа жолдор дезинфекцияланды;

- Өлкө боюнча санитардык-карантиндик жана блокпостторго ӨКМ тарабынан 120 даана чатыр жана 58 мобилдик турак-үй орноштурулган;

- Бишкек шаарындагы жана региондордогу обсервацияга жайгаштырылган жарандарга ӨКМ тарабынан күн сайын 3 маал ысык тамак-аш берилүүдө (меню алмаштырылып турат);

- 112 ыкчам номуруна өткөн сутка ичинде жалпы 7 миң 655 чалуу катталып, анын ичинен 420 коронавирус боюнча чалуу түшкөн;

- Өлкөдө уюштурулган постторго, дезинфекциялоо жумуштарын аткаруу жана обсервацияда жайгашкан жарандарга ыңгайлуу шарт түзүүгө (орундук, тамак-аш жеткирүү) ӨКМ тарабынан 216 куткаруучу жана 29 унаа тартылган.