"Исмаил Матраимов" фонду атайын ачылган мамлекеттин эсебине 10 миллион сом которду

"Исмаил Матраимов" кайрымдуулук фонду атайын ачылган мамлекеттин эсебине 10 миллион сом акчалай каражат которду. Бул тууралуу Жогорку Кеңештин депутаты Искендер Матраимов маалымдады.

Буга чейин аталган фонд Саламаттыкты сактоо тармагына медициналык жабдыктарды, жардамга муктаж калктын катмарына медициналык бет каптарды жана ун, май азыктарын таратып келген.

"Биздин медицина кызматкерлери өзүнүн өмүрүн тобокелге салып, ылаңга кабылгандарды дарылап жатышат. 79 дарыгер таажы ылаңын жуктуруп алды. Бул деген мамлекет көз карандысыздыкты алган убакыттан бери, биз саламаттыкты сактоо тармагын талкалап алганыбыздан кабар берет. Ошого карабай биздин дарыгерлер вирустун кесепетин жоюуга каармандык менен күрөшүп жатышат. Которулуп жаткан каражаттарды өкмөт эффективдүү пайдаланып, медицина кызматкерлеринин коопсуздугуна даректүү жумшайт деп ишенем.