Жарганаттар менен адамдардын жүрүм-туруму эпидемия учурунда кандай айырмаланат?

Британиялык басылмалардын бири адамдар менен жарганаттардын жүрүм-туруму эпидемия учурунда эмнеси менен айырмаланат деген суроого жооп издешти.

Жарганаттар - көп жашоочу жандыктар. Алар орто эсеп менен 40 жыл жашашат. Жарганаттардын вамир түрү социалдык жашоо образын жүргүзүшөт. Бир топто бир нече миң жарганаттар жашашы мүмкүн. Алар тамак-аш менен бөлүшүп, катарларын тазалап турушат. Алар бири-бири менен гана эмес вирустар менен дагы тыгыз байланышта жашашат. Мындан улам топтордун ичинде маал-маалы менен эпидемиялар болот.

Техас университетинин окумуштуулары жарганаттардын эпидемия учурундагы жүрүм-турумун иликтешкен. Анда атайын бир топтун бир нече жарганатына иммундук системди алсырата турчу вирус жугузушкан. Вирус жуккан жарганаттар алсыз болуп жашап кетүүгө күчтөрү жок калган.

Иммунитети түшүп кеткен жарганаттар дени сак жарганаттардан тамак сурап жей башташкан. Алар өздөрүн башкалардан оолак кармап, аларга көңүл бурууну талап кылышкан эмес. Бирок окумуштуулардын билдиргенине таянсак, өздөрүнүн тобунан четтеп калган жарганаттар туугандык мамилесин үзүшкөн эмес.

Эпидемия учурунда жарганаттар өздөрүнүн вирус жуктуруп алган жана дени сак балдарына тамак берүүнү уланткан. Алардын мындай жүрум-туруму адамдардыкына окшошуп кетет.