"Үйдө отура берип чарчадым". Казакстанда карантинди бузган жарандын трагедиясы тууралуу социалдык ролик чыкты

Казакстанда карантиндин эрежелерин бузгандар үчүн атайын социалдык ролик тартылды. Анда карантинде үйдө отургандан тажаган бой жеткен кыз кечеге барып вирус жуктуруп келгени, анын кесепети 14 күндөн кийин билинип, кыздан апасы көз жумганы чагылдырылат. 4 мүнөттүк роликтен коронавирустун канчалык коркунучтуу экенин сезүүгө болот.

Башкы каармандын мисалынан улам карантиндин эрежелерин бузуу дагы өлүмгө алып келерин билсек болот.

Бул социалдык роликти Алматы шаарынын акими Бакытжан Сагинтаев интернеттеги расмий баракчасына жарыялап, "өзүңөргө сак болгула" деген билдирүү калтырган.

14-апрель саат 14:00гө карата Казакстанда коронавирус менен ооругандардын саны 1 миң 179га жетип, анын 143ү айыкты. Каза болгондор 14кө жетти.