Бүгүн Лейлекте Кыргыз-Тажик чек ара өкүлдөрү жолукту

Бүгүн, 14-апрель күнү Баткен облусунун Лейлек районуна караштуу Кулунду айыл аймагындагы Сай жерлигинде Кыргыз-Тажик чек ара өкүлдөрүнүн жолугушуусу болуп өттү.

Жолугушуунун жүрүшүндө COVID-19 вирусун тарап кетпөөсү боюнча кошумча чараларды көрүүнү талкуулашты. Анда Кыргыз-Тажик мамлекеттик чек арасын күчөтүп, коронавирус инфекциясы тарап кетиши мүмкүн делген чек арага жакын жыш жайгашкан жашоочулар арасында бири-бири менен тыгыз байланышта болушу күтүлгөн аймактарга кошумча чек ара кезметтерин коюу боюнча макулдашты.

Ошону менен бирге чек ара өкүлдөрү Кыргыз-Тажик мамлекеттик чек арасындагы өткөрүү жайларынын убактылуу жабылгандыгына байланыштуу чек араны биргеликте кайтаруу тартибин талкуулашты. Учурда чек арадагы бардык периметриндеги кырдаал туруктуу.