Жардамга муктаждар үчүн ачылган депозиттик эсепке 13 миллион сомдон ашык каражат түштү

Бүгүн, 14-апрелде Эмгек жана социалдык өнүктүрүү министрлигинин алдында ачылган депозиттик эсепке жалпы 13 миллион 503 миң 152 сом түштү. Бул тууралуу министрликтин басма сөз кызматынан кабарлашты.

"Турмуштук оор кырдаалга кабылган жарандарды азык-түлүк менен камсыз кылуу үчүн акчалай каражаттарды бөлүштүрүү комиссиясынын чечими менен 792 миң 500 сом Бишкек шаарынын мэриясына, 3 миллион 587 миң 496 сом өкмөттүн Чүй облусундагы ыйгарым укуктуу өкүлчүлүгүнө бөлүнгөн. Бүгүнкү күндө эсепте калган сумма 9 миллион 123 миң 156 сомду түзөт", - деп айтылат маалыматта.