"Дүйнөдө биринчи жолу!". Таиландда маркумдан коронавирус жуктуруп алышы мүмкүн делген соттук-медициналык эксперт көз жумду

Дүйнөдө биринчи жолу коронавирус илдетинен улам каза тапкан адамдан вирус жуктуруп алган адам аныкталды. Ал Таиланддын борбору Бангкок шаарында иштеген соттук-медициналык эксперт экенин чет элдик басылмалар жазышууда.

Тилекке каршы, маркумдан вирус жуктуруп алышы мүмкүн делген соттук-медициналык эксперт дагы көз жумган. Бул дүйнөдө коронавирустан каза тапкан адамдан оору жуктуруп алган биринчи учур экени айтылат.

Вирусту изилдөөчүлөр соттук-медициналык кароо жүргүзгөн кызматкерлер маркумдан оору жуктуруп албашы үчүн бардык жеке коопсуздук чараларын аткарыш керектигин эскертип келишет.

Ошондой эле Бүткүл дүйнөлүк саламаттыкты сактоо уюму дагы коронавирустун жаңы түрү акырына чейин изилденип бүтө электигине байланыштуу сөөктөр менен иштеген медицина кызматкерлеринин сак болушун айтып келет.