ӨКМ: "17-18-апрелде Талас, Ысык-Көл облустарынын айрым аймактарында үшүк жүрүшү мүмкүн"

16-апрелинде күтүлүп жаткан жаан-чачынга байланыштуу өлкөнүн тоолуу райондорунда, Бишкек-Ош унаа жолунун Төө-Ашуу ашуусунда, Ала-Бел ашуусунда, Чычкан капчыгайында, Ала-Бука—Каныш-Кыя унаа жолунун Чапчыма ашуусунда, Каракол-Эңилчек унаа жолунун Чоң-Ашуу ашуусунда кар күрткүсү жана кар көчкү түшүү коркунучу күтүлөт. Маалыматты Өзгөчө кырдаалдар министрлигинен кабарлашты.

Анда айтылгандай, жолдордун айрым участокторунда тайгак болуп муз тоңот. Унаалардын ортосундагы 500 метр аралык кыймыл чектелиши зарыл.

"17-18-апрелде түнкүсүн Талас облусунун дыйканчылык аймактарында абанын температурасы 0...-20 градуска чейин түшүп, үшүк жүрүшү күтүлүүдө. 18-19-апрелде түнкүсүн Ысык-Көл облусунун дыйканчылык аймактарында абанын температурасы 0...-20 градуска чейин түшүп, үшүк жүрүшү күтүлөт. Мындай үшүктүн жүрүшү өрүктүн бүчүрлөрүнө жана гүлдөрүнө, данектүү мөмө бактарынын эрте сортторунун бүчүрлөрүнө коркунуч алып келет.

Бүгүн күндүз кээ бир райондордо жаан, тоолуу райондордо кар жаашы күтүлөт. Тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир райондорунда 15-20 метрге жетиши күтүлөт", - деп жазылат билдирүүдө.