Министрлик окуучулардын билимин тест аркылуу баалоону сунуштады

Билим берүү жана илим министрлиги мектептерде аралыктан окутуунун киргизилгенине байланыштуу жалпы билим берүүчү мектептердин мугалимдерине 4-11-класстардын окуучуларынын билимин аралыктан баалоону сунуштайт. Ал сунуштун негизинде баалоо тестирлөө аркылуу жүргүзүлөрүн аталган министрликтен маалымдашты.

"Мектептер иш жүргүзүүнүн ыкмасы менен өткөрүү мөөнөттөрүн ѳз алдынча тандай алышат. Тестин негизги милдети: Окуучулардын ѳздѳштүргѳн билимдерин жана учурдагы жетишүүлѳрүн кѳзѳмѳлдѳѳгѳ ыкчам мониторинг ѳткѳрүү. Билим берүүнүн сапатын баалоо жана маалымат технологияларынын улуттук борбору 4-11–класстардын окуучулары үчүн тесттерди сунуштайт.

Тесттер берилген туура жооптор жана баллдарды 5 баллдык баалоо тутумуна которуу шкаласынын негизинде бааланат. Сабактар жана класстар боюнча тесттер жайгаштырылгандан 3-5 күндѳн кийин алардын туура жооптору жайгаштырылат. Ар бир туура аткарылган тапшырма 1 балл менен бааланат. Бүткүл ишке максималдуу 10 балл берилет", - деп жазылат маалыматта.

Нускама, тесттик тапшырмалар жана баалоо чен-ѳлчѳмдѳрү министрликтин порталына жайгаштырылган.