Быйылкы садага-битирдин баасы аныкталды

2020-жылга карата садага-битирдин баасы аныкталды. Бул тууралуу муфтияттан билдиришти.

"Учурда баалардын туруксуздугуна байланыштуу садага-битирди берген учурда 1 килограмм 600 грамм (буудай, ун, мейиз) же 3 килограмм 200 грамм (арпа, курма) баасына ылайык кылып, ар бир адам башына эсептөө керек.

Учурда буудайдын баасы орточо 21 сом 8 тыйын (садага-битирдин жалпы баасы 35 сом), мейиз 240 сом (садага-битирдин жалпы баасы 384 сом), ун 37 сом 50 тыйын (жалпы баа 60 сом), арпа 17 сом (жалпы баа 54 сом), курма 160 сом (жалпы баасы 512 сом).

Эскертүү: Садага-битир берүүчү адам жогоруда көрсөтүлгөн баалардын кайсынысынан чыгарса өз ыктыяры. Бей-бечара, муктаждардын пайдасы үчүн көбүрөөгүнөн чыгаруусу абзел", - деп жазылат маалыматта.

Эске салсак, 2020-жылы Орозо айы 24-апрелден башталат.