Бир сутка ичинде өлкөдө 68 адам коронавирустан айыгып, ооруканадан чыкты

Өлкөдө коронавирус менен ооруп жаткан бейтаптардын ичинен бир сутка ичинде 68 адам андан айыгып, ооруканадан чыгышты. Маалыматты саламаттыкты сактоо министринин орун басары Нурболот Үсөнбаев бүгүн, 20-апрелге карата абалды айтып жатып билдирди.

Алар:

Бишкек шаарынан – 10
Нарын облусу – 1
Ош облусу – 42
Ош шаарынан – 7
Жалал-Абад облусу – 7
Баткен облусу - 1

Жалпы республика боюнча бүгүнкү күнгө чейин 201 бейтап айыгып, ооруканадан чыгарылды. Каза болгондордун саны - 7. Өлкө боюнча коронавирус 568 адамдан аныкталды.