Коменданттык саатты бузган 114 адам кармалды. Кара-Суу менен Ноокат районунда тартип бузгандар болгон жок

21-апрелге карата Бишкек, Ош жана Жалал-Абад шаарларында, Ноокат жана Кара-Суу (Ош облусу), Сузак району (Жалал-Абад облусу), Нарын шаары жана Ат-Башы району боюнча ички иштер бөлүмүнө 114 адам коменданттык саатты бузуп жеткирилген. Андан сырткары 5 автоунаа айып аянтчасына коюлган.

Алардын арасынан:

Бишкек шаарында - 91;
Жалал-Абад шаарында - 3;
Сузак районунда - 1;
Ош шаарында - 6;
Нарын шаарында - 8;
Ат-Башы районунда - 5.

Кара-Суу жана Ноокат райондорунда коменданттык саатты бузгандар болгон жок.

25-марттан бери жалпы 3 миң 84 адам тартипти бузуп кармалган.