Жаратылыш кырсыктарын болтурбоо жана алдын алуу максатында Нарын облусунда миңден ашуун көчөт отургузулду

Кырсыктарды болтурбоо жана алдын алуу максатында өкмөттүн өнүгүү программасынын Улуттук стратегиясында каралган “Жашыл долбоор” иш-чарасын жүзөгө ашыруу максатында Нарын облусуна 1 миң 500 даана көчөт отургузулду. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 2020-жылдын 21-апрель күнү ӨКМнын Нарын облустук башкармалыгынын Жумгал райондук Өрткө каршы куткаруу бөлүгү тарабынан Жумгал районунун Байзак айыл аймагындагы эрозиясы бар кооптуу делген тилкеге 1 миң 500 даана теректин көчөттөрү отургузулган.

Жалпысынан Жумгал райондук Өрткө каршы куткаруу бөлүгүнөн 8 куткаруучу тартылып, жергиликтүү тургундар көмөктөшкөн.

Айта кетсек, бул иш-чара республикабыздын аймагындагы кооптуу делген участкаларга ӨКМнын "Жашыл долбоорунун" алкагында жер кыртышын бекемдөө максатында жыл сайын көчөттөр тигилип келет.