Жалпы 612: Өлкөдө дагы 22 жарандан коронавирус аныкталды. Кайрадан Бишкек алдыда

Бүгүн, 22-апрелге карата өлкөдө дагы 22 жарандан коронавирус аныкталды. Муну менен ооругандардын жалпы саны 612ге жетти.

Мындай статистиканы саламаттыкты сактоо министринин орун басары Нурболот Үсөнбаев онлайн маалымат жыйында кабарлады.

Сутка ичинде коронавирус жуктуруп алганы аныкталгандар:
Бишкек шаары – 10;
Чүй облусу – 2;
Ош шаары – 4;
Ош облусу – 1;
Жалал-Абад облусу – 4;
Нарын облусу – 1.

Вирус аныкталган 22 жаран оорулуулар менен байланышта болгондор. Алар буга чейин обсервацияда жатканы же үй карантининде болгону тууралуу маалымат берилген жок.