Элмирбек Иманалиевди акыркы сапарга узатуу зыйнаты. Айдарбек Иманалиев: "Иним аз жашады, бирок саз жашады"

Бүгүн, 22-апрелде ак таңдай акын, көп кырдуу талант Элмирбек Иманалиевди калдайган калың эли акыркы сапарга узатып жатат. Акыркы сапарга узатуу зыйнаты чектелүү адамдардын катышуусунда өтүүдө.

Сапарга узатуу зыйнатында акындын бир тууган агасы Айдарбек Иманалиевге сөз берилип, ал инисин жоктоп, көзүнө жаш алып, бир тууганы менен коштошту.

"Калкым, Элмирбек иним адамдар баары кетүүчү өлүмгө моюн сунуп кетип жатат. Элмирбегим бул жашоодо аз жашаса да, саз жашады. Элдин арасында, жоро жолдошторуңдун арасында дайыма элесиң эсте болот. Кош иним, жаткан жериң жайлуу, топурагың торко болсун".