Ташкентте ымыркай патрулдук унаада жарык дүйнөгө келди

Ташкентте патрулдук милициянын унаасында кош бойлуу келин көз жарды. Бул тууралуу Өзбекстандын басылмалары жазышууда.

Ага ылайык, түнкү саат 2де патрулдук милиция кызматкерлери көчөдөн 2 аялдын жүргөнүн көрүшкөн. Аларга барышканда бири кош бойлуу экенин, анын толгоосу башталганын көрүшкөн.

"2 кызматкер аларды унаага салып шашылыш түрдө жакынкы төрөт үйүнө айдашкан. Бирок ага аз калганда келиндин төрөтү башталган. Бактыга жараша органдын 2 кызматкери профессионалдык билимин жогорулатууда биринчи жардам көрсөтүү курстарын да өтүшкөн кызматкерлер болушкан. Алардын жардамында жарык дүйнөгө 3 килограмм 100 грамм салмактагы наристе келген. Эне, бала сак-саламат дарыгерлерге өткөрүлүп берилген. Келин да, кайненеси да органдын кызматкерлерине ыраазы", - деп жазылат маалыматта.