Адахан Мадумаров жаңы кызматка дайындалды

Адахан Мадумаров Түрк тилдүү мамлекеттердин кызматташтык кеңешинин башкы катчысынын орун басары болуп дайындалды. Бул тууралуу Президенттик аппараттын маалыматтык саясат бөлүмү билдирди. Тиешелүү жарлыкка президент Алмазбек Атамбаев бүгүн, 30-августта кол койду.

Түрк тилдүү мамлекеттердин кызматташтык кеңеши 2009-жылы түзүлгөн. Тили жана маданияты тектеш мамлекеттер саясий-экономикалык жана маданий кызматташтыкты өнүктүрүү үчүн бир уюмга биригишкен. Анын катчылыгы Стамбулда жайгашып,учурда кеңештин башкы катчысы Халил Акынжы.