Комендант: "Нарын боюнча жалпы 75 адамдан оору аныкталса, анын ичинен 57си Ат-Башыдан"

Нарын облусу боюнча жалпы ооругандардын саны 75 адам болсо, анын ичинен 57си Ат-Башы районунан. Бул тууралуу бүгүн, 23-апрелде Нарын шаарынын жана Ат-Башы районунун коменданты Уланбек Аалиев онлайн маалымат жыйында билдирди.

Ат- Башы районунда оору аныкталган айылдар:

Ача Кайыңды айылы - 24 адам;

Ат-Башы айылы - 16 адам;

Терек-Суу айылы - 4 адам;

Казыбек айылы - 1 адам;

Ак-Жар айылы - 3 адам;

Ак Муз айылы - 2 адам;

Биринчи Май айылы боюнча - 4 адам;

Бирлик айылында - 3 адам.

"Ат-Башыда жарандар бир айылдан экинчи айылга өтпөшү үчүн 19 айылга 110 милиция кызматкери бөлүнүп иш алып барышууда. Алар бардык коргоочу каражаттар менен камсыздалган. Бир гана Ат-Башы району эмес, жалпы Нарын облусу боюнча коргоочу кийимдер, медициналык бет каптар жана антисептикалык каражаттар жетиштүү", - деди комендант.