Тажикстанда дене тарбия мугалими өпкө оорусунан каза болгондон кийин, ал иштеген мектеп жабылды

Тажикстандын Дүйшөмбү шаарындагы мектептердин биринде дене тарбиядан берген мугалим каза болду. Мугалим өпкө оорусунан улам көз жумганын жергиликтүү маалымат булактары жазып чыгышты.

Маалыматта маркум Хуршед Каримов эмгектенген мектеп, ал көз жумгандан кийин жабылганы айтылат.

"Аталган мектепте 400дөн ашуун окуучу билим алат. Азырынча сабактар кайра качан уланары белгисиз. Буга байланыштуу көпчүлүк окуучулар кооптонуу жана коркуу сезими бар экенин жашырышкан эмес. Анткени алар, албетте, коронавирус тууралуу кабардар. Бирок өлкөнүн саламаттыкты сактоо министри ата-энелер менен окуучуларга алардын мектебинде коронавирус аныкталбаганын билдиришкен. Ага карабай айрым булактар маркум эки апта мурун пневмониянын белгилери менен ооруканага жаткарылганын белгилешкен", - деп айтылат маалыматта.

Маалым болгондой, Хуршед Каримовдун сөөгү жакындарына берилген эмес.

Тажикстандын бийлиги аталган өлкөдө коронавирус каттала электигин билдирип келет.