"Кумтөр" - мамлекеттин эсебинен байыгысы келгендер үчүн жөн гана шылтоо"- деди Алмазбек Атамбаев

"Кумтөр" - мамлекеттин эсебинен байыгысы келгендерге же өлкөдө баш аламандык жараткысы келгендер үчүн жөн гана шылтоо",- деди Алмазбек Атамбаев 30-августта телеканалдардын бирине берген маегинде.  

"Эки жолу соттолгон Бактияр Курманов экология үчүн күйүп-бышып ушундай акцияларды уюштуруп жатат дегенге ким ишенсин. Андай эмес. Муну менен бирөөлөр чөнтөгүн толтурууга, башка бирөөлөр бийликке келүүгө аракет кылып жатат. Бирок бул болбойт. Азыр бийликтин күчү - элге чындыкты жеткирүүдө. Албетте, бул теманы биз премьер-министр экөөбүз бир канча жолу талкуулаганбыз",- деди президент.