Өлкөдө коронавирус туу чокусуна жетип, басаңдай баштадыбы? Министрликтин жообу

Бүгүн, 24-апрель күнү Өкмөт үйүндө саламаттыкты сактоо министринин орун басары Нурболот Үсөнбаев өлкөдөгү эпидемиологиялык абал боюнча маалымат берүүдө.

Жыйын учурунда Үсөнбаев элди кызыктырган суроолорго жооп берди. "Коронавирустун күчөгөн маалы 23-24-апрелге туура келет деп айттыңыздар эле. Коронавирус эпидемиясы мындан ары азаябы?" деген суроо узатылды.

Ага министрдин орун басары: "Өлкөдө коронавирус өтө бийиктеп кеткен учур катталган жок. Биздики стабилдүү келип жатат. Туу чоку деп айтууга эрте, жуманын аягында дагы байкоо жүргүзүп, жакынкы аралыктагы жыйынтыктардан улам чечим чыгарсак болот. Бирок мурункуга салыштырмалуу азаюу башталганы сезилүүдө", - деди.