Дүйнөлүк саламаттыкты сактоо уюму Тажикстан менен Түркмөнстанда коронавирус жок деген жагдайды текшерет

Бүткүл дүйнөлүк саламаттыкты сактоо уюму Тажикстан менен Түркмөнстанда бүгүнкү күнгө чейин коронавируска кабылгандар жок деген жагдайды текшерет. Бул тууралуу тажик басылмалары жазышууда.

Анда Дүйнөлүк саламаттыкты сактоо уюмунун өкүлдөрү аталган эки өлкөгө келишип, бийликтин вирус каттала элек дегени боюнча текшерүү жүргүзүүгө камданып жатканы айтылат. Тажикстан менен Түркмөнстанга келген эксперттер шаарларга, медициналык жайларга жана ири мекемелерге барышып, текшерүү жүргүзүшөт. Мындай текшерүүдөн кийин эксперттер ырасында эле коронавирус менен ооругандар бар же жок деген жыйынтыкка келишип, өлкөдөгү абалды баалайт. Мындан тышкары уюмдун адистери вирустан коргонууну жакшыртуу боюнча өздөрүнүн сунуштарын айтмакчы.

Бүгүнкү күндө дүйнөдө 11 мамлекетте коронавирус аныктала элек. Ага Тажикстан менен Түркмөнстан дагы кирет.