Бишкектеги №3 үй-бүлөлүк медицина борборунун 3 кызматкеринен коронавирус аныкталды. Мекеме 1-майга чейин жабылды

Бүгүн, 26-апрель күнү өлкөдөгү эпидемиологиялык абал боюнча брифингде саламаттыкты сактоо министринин орун басары Нурболот Үсөнбаев 5 медицина кызматкери коронавирус инфекциясын жуктуруп алганын билдирген. "Алардын арасында Бишкек шаарында катталган 3 медицина кызматкери №3 үй-бүлөлүк медицина борборунда мобилдик бригадада иштеген кызматкерлер болгон. Алар коронавирус илдетин жугузган жана алар менен байланышта болгон жарандар менен иштешип кепген. Учурда медицина кызматкерлерине тийиштүү дарылоо жүргүзүлүүдө", - деген Үсөнбаев. SUPER.KG порталы №3 үй-бүлөлүк медицина борборунун кабылдамасына чалып, мекеменин жабылганы тууралуу маалымат алдык.

"Мекеме бүгүндөн баштап карантинге жабылды. 1-майга чейин иштебейт", - деп билдирди аталган мекеменин өкүлү.