Мамлекеттик экзамендер дистанциялык шартта өтөрү айтылды

Мамлекеттик экзамендер дистанциялык шартта өтөт. Бул тууралуу бүгүн, 27-апрелде Кара-Суу, Ноокат райондорунун жана Ош шаарынын коменданты Малик Нурдинов аймактардагы абал тууралуу онлайн маалымат жыйынында билдирди.

"Мектептерде бүтүрүү экзамендери төртүнчү чейректин жыйынтыгы менен чыгарын Билим берүү министрлигинен айтып келишет. Башкача айтканда, буга чейинки чейректин жыйынтыктарына жараша жылдык баа коюлат. Ал эми мамлекеттик экзамендерди дистанциялык түрдө өткөрүү чечими кабыл алынып жатат. Бул албетте, аргасыз колдонулуп жаткан чара. Бирок окуучулар жана студенттер үчүн дистанциялык шартта экзамен тапшыруу жогорку балл алууга өбөлгө түзөт деп ойлойм. Жалпы республикалык тестирлөө кандай шартта өтөрүн билбейм, балким, ал дагы дистанциялык түрдө жүргүзүлөт", - деди комендант.