Трамп менен Макрон Дүйнөлүк саламаттыкты сактоо уюмун реформалоо зарылдыгын айтышты

АКШнын президенти Дональд Трамп жана Франциянын президенти Эммануэль Макрон Дүйнөлүк саламаттыкты сактоо уюмун реформалоонун зарылдыгы жөнүндө бир пикирге келишти. Бул тууралуу чет элдик маалымат булактары жазып чыгышты.

"Трамп жана Макрон ДССУнун реформалоо зарылдыгы жөнүндө бир пикирге келишти" деп билдирген Ак Үйдүн өкүлү Жадд Дир журналисттерге маалымат берип жатып.

Президенттер ошондой эле БУУнун Коопсуздук кеңешинин туруктуу беш мүчөсүнүн (АКШ, Франция, Орусия, Кытай жана Улуу Британия) өлкөлөрүн жыйынына чакыра турганын жана БУУнун коронавируска каршы аракетин талкуулоо күтүлүп жатканын билдиришкен.

"Трамп жана Макрон коронавирус пандемиясына каршы күрөшүү жана дүйнөлүк экономикадагы жылыштарды талкуулашты. Лидерлер БУУнун пандемияга каршы аракеттерин талкуулоо үчүн беш туруктуу БУУнун Коопсуздук кеңешинин мүчөлөрү чакырылат деп үмүттөнүштү", - деп айтылат маалыматта.

Буга чейин Трамп Вашингтон ДССУнун каржылоосун токтотуп жаткандыгын маалымдаган. Анда Трамп ДССУну коронавирус жөнүндө өз убагында маалымат бербеген, ошондой эле чындыкты дүйнөлүк коомчулукка убагында жеткирген эмес деп күнөөлөгөн.

Дүйнөлүк саламаттыкты сактоо уюму 11-мартта COVID-19 инфекциясын пандемия деп жарыялаган. Уюмдун акыркы маалыматына ылайык, дүйнөдө 3 миллиондон ашык жаран вирусту жугузуп алган жана 200 миңден ашуун адам вирустун кесепетинен көз жумган.