Америкалык журналист түз эфирге шымы жок чыгып, талкууга калды

ABC News каналынын журналисти Уилл Рив «Good Morning America» берүүсүнө түз эфирге шымы жок чыгып, талкууга калды. Бул тууралуу чет элдик басылмалар жазып чыгышты.

Уилл Рив түз эфирде дары-дармектерди кардарларына жеткирип берүү үчүн дарыканалар дрон колдонуп жаткандыгы тууралуу айтып берген. Коронавируска байланыштуу үйүндө иштеп жаткан журналист үстүнө талаптагыдай рубашка, костюм кийгени менен ылдый жагын көрүнбөйт деген ойдо шымы жок эфирге чыккан. Аны көрүүчүлөр дароо байкап, "камераңды оңдоп алсаң болмок", "бутуңду жаап албайсыңбы?" деп сындап, журналисттин Твиттердеги баракчасында катуу талкуу кылышкан. Өз дарегине айтылган сындарга Рив кыскача гана "эфирден кийин машыгайын деп жаткам, ошондуктан убакытты үнөмдөгөм" деп жооп узаткан.