Ош облусунун кооптуу аймактарында жашаган үй-бүлөлөр көчүрүлүүдө

Жаз-жай айларындагы сел, суу ташкындары жана жер көчкү кырсыктарынан адам өлүмүн болтурбоо, материалдык чыгымдардын алдын алуу максатында Өзгөчө кырдаалдар министрлиги тарабынан кооптуу тилкелерде жашаган кожолуктарга түшүндүрүү, алдын алуу иштери жүргүзүлүүдө. Бул тууралуу мекеменин басма сөз кызматынан билдиришти.

Маалыматка ылайык, Ош облусунун аймагында 2 миң 488 турак жайды көчүрүүгө тийиш анын ичинен 1 миң 119 турак жай мамлекеттик жардам жана жер тилкесин албагандар (көчүрүлбөгөндөр), 1 миң 369 турак жай мамлекеттик жардам жана жер тилкесин алып, көчпөгөндөр. Бүгүнкү күндө 1 миң 993 үй-бүлөгө жекече эскертмелер берилди.

Бүгүнкү күндө Ош облусу боюнча 83 чатыр райондорго жеткирилди:
Алай районуна 48 чатыр жеткирилип, Гүлчө айыл аймагынын Таш-Коро айылына 18 чатыр, Чакмак айылына 2 чатыр тигилди. Будалык айыл аймагынын Тамга-Терек айылына 2 чатыр, Октябрь айылына 4 чатыр, Кара-Суу айылына 4 чатыр, Корул айыл аймагынын Тогуз-Булак айылына 2 чатыр, Кең-Жылга айылына 3 чатыр тигилди. Ленин айыл аймагындагы Мурдаш айылында 8 чатыр запаста турат. Коңур-Дөбө айыл аймагындагы Арпа-Тектир айылында 5 чатыр запаста турат.