Үй карантиндин шартын бузгандыгы үчүн 36 жаран жоопкерчиликке тартылды

Өлкөдө үй карантиндин шартын бузгандыгы үчүн 36 жаран жоопкерчиликке тартылды. Бул тууралуу республикалык ыкчам штабдын жыйынында ички иштер министринин орун басары Мирлан Каниметов билдирди.

"Кылмыш-жаза кодексинин 280-беренеси боюнча 8 жаран, 281-беренеси боюнча 1 жаран жоопкерчиликке тартылды. Жоруктар жөнүндө кодекстин 127-беренесинин 1-эскертүүсүнө ылайык, 6 адам жоопко тартылууда, алар боюнча материалдар сотко жөнөтүлгөн. Бузуулар жөнүндө кодекстин 293-беренесине ылайык, 21 адам жоопкерчиликке тартылган, аларга 3 миң сомдон айып пул салынды. Жыйынтыгында жалпысынан үй карантинин бузгандыгы үчүн 36 адам жоопко тартылды", - деп билдирди министрдин орун басары.

Жыйында инфекция чыккан жерлерде мобилдик бригадалар иш жүргүзүшүп, 107 миңден ашуун үй, 560 миңден ашык жаран текшерилгендиги айтылды.

Беренелер менен бул жактан тааныша аласыз.