Жакынкы күндөрү күйүүчү майдын чекене баасын орточо 2 сомго төмөндөтүү пландалууда

Өлкөдө жакынкы арада күйүүчү майдын чекене наркын орточо 2 сомго төмөндөтүү пландалууда. Бул тууралуу өкмөттүн маалымат кызматы тарабынан белгилүү болду.

"Чечим тиешелүү мамлекеттик органдар жана өлкөнүн нефтетрейдерлеринин өкүлдөрү менен сүйлөшүүсүнөн кийин кабыл алынды. Учурда республиканы күйүүчү жана майлоочу май менен камсыз кылуу боюнча иштер үзгүлтүксүз жүргүзүлүүдө. Муну менен катар мунай заттарынын тартыштыгын алдын алуу боюнча иш-чаралар кабыл алынууда.

Жалпысынан 2020-жылдын төрт айынын жыйынтыгы боюнча республика боюнча күйүүчү, майлоочу майлардын чекене баасынын түшүүсү байкалууда. Алсак, январь-апрель айларында өлкө боюнча бензин 2 сом 80 тыйынга же 6,7 пайызга арзандаган, ал эми дизель майдын баасы 4 сом 70 тыйынга же 9,7 пайызга төмөндөгөн", - деп айтылат маалыматта.