Президент: "Өлкөбүздүн өнүгүүсү, бүгүнкүсү жана келечеги эмгекке негизделген"

Президент Сооронбай Жээнбеков кыргыз элин Эмгек майрамы менен куттуктады. Бул тууралуу президенттик аппараттын басма сөз кызматынан билдиришти.

"Биз бардык ийгиликтерге талыкпаган эмгек менен гана ээ болгон коомбуз. Өлкөбүздүн өнүгүүсү, бүгүнкүсү жана келечеги - табигый ресурстарга, жаратылыш байлыгына гана эмес, эмгек адамынын аракетине негизделген. Биздин мамлекетибизде адам ресурсун өнүктүрүү, эмгек адамын даңазалоо - ар дайым маанилүү багыт бойдон кала берет. Жалпы дүйнө жүзү боюнча ишмердүүлүк кыскарган азыркы учурда эмгектин баркы, эмгек менен гана жашообуз мазмундуу экени дагы бир ирет даана көрүндү. Замандын жаңы талаптарына татыктуу жооп бере алган коомду, өнүккөн мамлекетти куруу үчүн бирге аракет жасап, чогуу эмгек кылалы", - деп жазылат президенттин куттуктоосунда.