Орусияда акыркы бир сутка ичинде коронавирус аныкталган адамдардын рекорддук көрсөткүчү катталды

Орусиянын 85 аймагынан акыркы бир сутка ичинде 7 миң 933 адамдан коронавирус инфекциясы аныкталды. 96 бейтап каза болсо, 1 миң 601 бейтап айыгып чыкты. Бул тууралуу аталган өлкөнүн басылмалары жазып чыгышты.

Маалыматка ылайык, сутка ичинде коронавирус аныкталган 7 миң 933 адамдын ичинен:

Москва шаарында - 3 миң 561;

Москва облусунда - 797;

Санкт-Петербург шаарында - 349;

Свердлов облусунда - 232 адам жана калгандары башка аймактардан.

Бул аталган өлкөдөгү сутка ичинде коронавирус аныкталгандардан рекорддук көрсөткүчү болду. Буга чейинки рекорддук көрсөткүч кечээ, 30-апрелде катталган. Анда сутка ичинде 7 миң 99 адамдан вирус аныкталган.

Бул көрсөткүч менен Орусияда жалпы 114 миң 431 адамдан вирус аныкталган. 1 миң 169 адам каза болсо, 13 миң 220 бейтап айыгып чыккан.