Жогорку Кеңеш Жеңиштин 75 жылдыгына жана Апрель окуясынын 10 жылдыгына байланыштуу мунапыс берүү мыйзам долбоорун жактырды

Кечээ, 30-апрелде Жогорку Кеңештин жыйынында "1941-1945-жылдардагы Улуу Ата Мекендик согуштагы жеӊиштин 75 жылдыгына жана 2010-жылдагы элдик Апрель революциясынын 10 жылдыгына байланыштуу мунапыс жөнүндө” мыйзам долбоору каралды.

Мыйзам долбоорунун демилгечиси Мирлан Бакиров соттолгондордун ишин атайын комиссия карап, чечим чыгара турганын айтты. Мыйзам долбоору майда кылмыштарды, экономикалык кылмыштарга тиешелүү.

Жыйынтыгында аталган мыйзам долбоору экинчи жана үчүнчү окууда колдоо тапты.