Күн сайын күчөп жатат. Орусияда сутка ичинде коронавирус аныкталган адамдардын рекорддук көрсөткүчү катталды

Акыркы бир сутканын ичинде Орусиянын 83 аймагынан жалпы 9 миң 623 адамдан коронавирус инфекциясы аныкталды. 57 бейтап каза болсо, 1 миң 793 бейтап ооруканадан чыгарылды. Бул тууралуу аталган өлкөнүн басылмалары жазып чыгышты.

Маалыматка ылайык, сутка ичинде коронавирус инфекциясы аныкталган 9 миң 623 адамдын ичинен:

Москва шаарында - 5 миң 358;

Москва облусунда - 807;

Санкт-Петербург шаарында - 323;

Нижегород облусунда - 320 адам жана калгандары башка аймактардан.

Бул аталган өлкөдөгү сутка ичинде коронавирус аныкталган адамдардын ичинен рекорддук көрсөткүч болду. Буга чейинки рекорд кечээ, 1-майда катталган. Анда 7 миң 933 адамдан вирус аныкталган.

Орусиянын 85 аймагынан жалпы 124 миң 54 адамдан инфекция аныкталды. 1 миң 222 адам каза болсо, 15 миң 13 бейтап айыгып чыкты.