Чаки куурчагы жөнүндө коркунучтуу тасмалардын сценаристи жанын кыйды

Чаки аттуу өлтүргүч куурчак тууралуу тасманын сценаристи Жон Лафия 64 жашында өмүрүнө кол салды. Бул тууралуу чет элдик басылмалар жазып чыгышты.

Маалыматка ылайык, Лафия 29-апрель күнү жанын кыйган, бирок суук кабар калың журтка 2-май күнү белгилүү болду. "Биз Жон Лафиянын каза болгонун угуп нес болдук. Ал баштан эле Чакинин "үй-бүлөсүнүн" маанилүү элементи болгон. Режиссёр Том Холланд, Жон Лафия жана мен "Балдар оюнуна" сценарий жазганбыз. "Балдар оюну-2" тасмасын Жон тарткан", - деп эскерген кесиптеши Дон Манчини.

Белгилей кетсек, аталган тасмадагы куурчактын атын Чаки деп ойлоп тапкан жана анын "Салам, мен Чаки! Ойнойлубу?" деген фразасын да Жон Лафия ойлоп тапкандыгы айтылат.