Балбак Түлөбаев: "Жардам таратуу боюнча бизге карата ишенбегендер болду, андыктан жардам алгандардын электрондук тизмесин түзөбүз"

Бүгүн, 3-майда Бишкек мэриясынын аппарат башчысы, өзгөчө абал учурунда жарандарга азык-түлүк жеткирүү жана түз байланыш кызматынын башында турган Балбак Түлөбаев маалымат берүүдө. Канча үй-бүлөгө жардам көрсөтүлгөнүн айтып жатып, ал өздөрүнө карата айтылган сын-пикирлерге токтолду.

"Бизге карата түрдүү пикирлер да айтылып жатат. "Ишенбейбиз, өздөрү алып алышат" деген кептер тарады. Биз жарандар арасындагы ишенбестиктерди жоюу үчүн жардам алгандардын электрондук тизмесин түзүүнү туура көрдүк.

1227 деген порталга тизме жазылууда, биз түзгөн тизме 108 миң адамдан ашты. Бул жардам мэрия, өкмөт, штаб, жеке бизнесмендер тарабынан берилди. Башында биз кемчиликтерди кетирсек кетирдик, бирок биз ал катачылыктарды оңдоп, эч нерсеге карабай ишти улантып жатабыз. Карантин башталгандан тартып түз байланышка 10 миңдей адам чалды.

Урматтуу тургундар, биз колдон келишинче жардам жеткирип жатабыз. Баарыбызга оор болуп турат, бирок коронавирус менен ооругандардын саны көбөйүп жатат, буга байланыштуу дагы сабырдуу болуп үйдө болуңуздар", - деди Түлөбаев.