ИИМдин академиясынын башчысы болуп Жеңиш Жакыпов дайындалды

ИИМдин академиясынын башчысы болуп полковник Жеңиш Жакыпов дайындалды. Бул тууралуу ИИМдин басма сөз катчысы Жоробай Абдраимов бизге билдирди. Буга чейин Жакыпов өкмөттүк аппараттын жетекчисинин орун басары – өкмөттүк аппараттын коргоо, укуктук тартип жана өзгөчө кырдаалдар бөлүмүнүн башчысы болчу. Эске сала кетсек, 2013-жылдын март айында ИИМдин академиясынын мурунку башчысы Алмаз Базарбаев паракорчулукка шектелип, өздүк кабинетин текшергенде 5 миң доллар акча табылган. Бул иш боюнча кылмыш иши козголуп, Базарбаев ээлеген кызматынан четтетилген.