Өзгөчө абал алынгандан кийин дагы Бишкек шаарына кирүүгө чектөө киргизилиши мүмкүн

Бишкек шаардык мэриясы өзгөчө абал алынгандан кийин дагы борборго автоунаалар менен адамдардын кирүүсүн чектөө чараларын карап жатат. Бул тууралуу Бишкек шаарынын вице-мэри Татьяна Кузнецова онлайн брифинг учурунда билдирди.

"11-майдан баштап, өзгөчө абал алынгандан кийин Бишкек мэриясы шаарга кирүүдө унаалардын жана жөө жүргүнчүлөрдүн кыймылына чектөө киргизүү маселесин карап жатабыз. Шаарга кирүүдө жарандар паспортту гана эмес, ошондой эле коронавирус инфекциясынын анализин тастыктаган документти (тез тестирлөө же ПЦР) да бериш керек болот. Мындан тышкары биз Жол кыймылынын коопсуздугун камсыздоо боюнча мамлекеттик инспекция менен биргеликте унаалардын жана жөө жүргүнчүлөрдүн кыймылын чектөө үчүн ички санитардык постторду орнотуу маселесин карап жатабыз. Бишкек шаардык мэриясы жаңы конуштарда карантин чараларын күчөтөт", - деп билдирди вице-мэр.