Нарын облусу боюнча жалпы 98 адамда коронавирус аныкталса, анын 78и айыгып чыкты

Нарын облусу боюнча жалпы 98 адам коронавирус жуктуруп алган болсо, алардын 78и айыгып чыкты. Бул тууралуу бүгүн, 4-майда өкмөттүн Нарын облусундагы ыйгарым укуктуу өкүлү Эмилбек Алымкулов брифинг учурунда билдирди.

Маалыматка ылайык, айыгып чыккандардын саны күндөн күнгө көбөйүп жатат.

"Ат-Башы районунда 61, Жумгалда 10, Нарын шаарында 6, Кочкордо 1 киши оорудан айыгып чыкты. Ал эми Ат-Башыда 6, Жумгалда 4, Нарын шаарында 7 адам дарыланып жатат. 3 адам үй изоляциясында. Ал эми 153 адам обсервацияда жатса, үй карантининде 528 адам бар. Байланышта болгон адамдардын саны 1 миң 680 адам", - деп билдирди Алымкулов.